Transcription
1
Monsieur, la pauvreté des habitans de Gigors subjectz
2
à monsieur du Pelloux et à moy, me faira vous
3
faire requeste très humble en leur faveur à ce
4
qu’il vous plaise d’aultant quilz sont du ressort
5
de Crest et jamais contribuables à Dye et que
6
par cidevant ilz sont estés par vous bailhés en
7ayde [barré : ce ] audit Crest où ilz ont payé leur cotte
8
concernant le feu et chandelles pour
9
la garde dicelluy, sy bien quil se treuve avoyr
10
à Vance quelques deniers à l’exateur diceulx, desquels
11
pour les avoyr distainctz dudit Crest et bailhés en
12
ayde à ceulx de Dye, ils s’en trouveroient frustrés.
13
Et sy vous plaisoyt faire tant pour ledit sieur du
14
Pellous et moy que de les remectre et laisser
15
en ayde audit Crest nous nestimerons rien
16
moins le bienfaict à eulx que sil estoyt faict
17
à nous mesmes. Et pour recompence je vous offre
18
ma personne et tout ce que en depend pour vous en
19
servir comme je m’asseure en faira de mesmes ledit
20
sieur du Pelloux. Et n’estant ceste par aultre,
21
après m’estre recommandé très humblement à votre bonne
22
grace, je prierey Dieu,
23
monsieur, vous donner en parfaicte sancté, bonne longue et
24
très heureuze vie. De votre maison de Montoyson, ce Xme de
25
janvyer 1573.
26
Votre très humble aubey
27
sant servyteur
28
Montoyson.